Sançez: Akuzat në lidhje me Huan Karlos, janë shqetësuese

17

Madrid, 8 korrik – Kryeministri spanjoll Pedro Sançez, sot i përshkroi pretendimet për korrupsion kundër ish mbretit Huan Karlos si shqetësuese, pasi disa media publikuan hollësira nga hetimi mbi sjelljet e dyshuara financiare për arritjen e marrëveshjes hekurudhore.

“Ka pretendime alarmante që i shqetësojnë të gjithë, përfshirë edhe mua”, theksoi Sançez në konferencë të përbashkët shtypi me homologun e tij italian, Xhuzepe Konte.

Gjykata Supreme në Spanjë, muajin e kaluar nisi hetim mbi përfshirjen e Huan Karlosit në marrëveshje të shpejtë për hekurudhën me Arabinë Saudite, pasi gazeta zvicerane “Tribune de Gjenevë” njoftoi se ai ka marrë 100 milionë dollarë nga mbreti i ndjerë saudit.

Përmes avokatit të tij, mbreti spanjoll Huan Karlos, 82 vjeçar, disa herë ka refuzuar të komentojë pretendimet e mediave.

Mbretërit spanjollë kanë imunitet gjatë sundimit të tyre, por Huan Karlos abdikoi në vitin 2014, në favor të djalit të tij Felipe, me çka lejoi atë të ndiqet penalisht.

Comments are closed.