‘Rrënohet’ koalicioni LDK-VV, Isa Mustafa thotë se VV-së i ndihmojë PDK-ja t’ia merrte Prishtinën

Kryetari i Lidhjes Demokratike të Kosovës, Isa Mustafa ka shprehur qëndrimin final të LDK-së që posti i kryetarit të Kuvendit t’i takojë partisë së tij.

Në një intervistë për televizioni publik (RTK), ai ka shpalosur detaje për takimet me partinë e Albin Kurtit.

“Nëse ju e keni kryeministrin, ne duhet ta kemi krye-parlamentarin. Për sa i përket çështjes së presidentit, ai s’do të jetë president i LDK-së por i Kosovës”, ka thënë ndër të tjera Mustafa.

Më tej, ai ka folur edhe ndihmën që partia e Kadri Veselit ia dha Lëvizjes Vetëvendosje në zgjedhjet lokale.

“S’ka parti që s’ka behane në Kosovë. Mua më ka rrëzuar VV-ja. Vetëvendosja s’do të mund ta merrte Prishtinën kurrë po mos ta kishte përkrahjen e PDK-së”, ka thënë ai.

-“Unë personalisht e kam vullnetin që të bëhet marrëveshje. Nëse s’mundemi, atëherë duhet të lëshojmë rrugë dhe hapësirë…”, është shprehur ai.