Një anëtare e Këshillit Kombëtar të Sigurisë së presidentit të SHBA, Donald Trump dha dorëheqjen 8 ditë pas emërimit të tij duke deklaruar se ishte fyerje të punonte nën urdhrat e tij. Rumana Ahmed është një nënshtetase amerikane myslimane, familja e të cilës u shpërngul në Maryland nga Bangladeshi në vitin 1978. Ajo vendosi të jepte dorëheqjen nga administrata, pasi Trump urdhëroi largimin e emigrantëve nga 7 vendet myslimane. Ahmed ishte punësuar nga vetë Obama gjatë kohës që ai ka qenë president, menjëherë sapo ajo kishte përfunduar universitetin. Pas emërimit të Trump, ajo qëndroi optimiste por 8 ditë më pas kuptoi se nuk mund të vazhdonte më punë aty. Ahmed, e cila shkroi një editorial në lidhje me përvojën e saj në “Atlantic”, ka thënë se si një grua myslimane, kur Presidenti lëshoi urdhrin për dëbimin e emigrantëve nga 7 vendet me shumicë myslimane, ajo e kishte kuptuar se nuk mund të qëndronte dhe të vazhdonte të punonte në një administratë ku njerëzit e shihnin si kërcënim dhe jo si punonjëse.