Rita Ora ambasadore e UNICEF- falënderon për punët që kanë bërë ata në Kosovë

Këngëtarja e famshme me prejardhje shqiptare, Rita Ora, me anë një postimi në rrjetin social Instagram ka njoftuar adhuruesit se është bërë ambasadore e UNICEF.

Ajo ka falënderuar UNICEF-in për punët që ka bërë në Kosovë.

Ora tha se është e nderuar me pozitën e saj si ambasadore e kësaj organizate, shkruan Klan Kosova, transmeton gazeta Koha.

“Unë jam përtej e nderuar që të ndajë me ju gjithçka nga emërimi im si ambasadore e UNICEF. Që nga viti 2013, kam mësuar shumë për UNICEF-in dhe punën e mrekullueshme që ata bëjnë për të nxitur ndryshime pozitive për fëmijët e së ardhmes sonë. Udhëtimi im i fundit në Kosovë më lejoi të shoh punën e mrekullueshme të UNICEF-it në vendin tim amtar dhe unë jam më e vendosur se kurrë për të shfrytëzuar pozitën time për të mbështetur, për të bërë fushatë dhe për të mbrojtur. Faleminderit UNICEF – Unë jam pa fjalë!”, ka shkruar Ora në Instagram.