Risia e fundit: Tani kompjuterët do të kenë shqisa

17

Çdo vit korporata IBM zgjedh pesë prej teknologjive më të reja, për të cilat ajo mendon se do të ndryshojnë botën në pesë vitet e ardhshme. Në të kaluarën korporata ka qenë më  e vëmendshme ndaj telefonave celularë, por këtë vit lista e IBM-ve përmban pajisje që do të zotërojnë aftësi të shqisave tona, madje edhe më tepër; Imagjinoni të blini rroba në internet dhe të jeni në gjendje të vini dorën mbi ekranin e kompjuterit tuaj dhe të keni ndjesinë sikur po i prekni. “Bëhet fjalë për një ndryshim rrënjësor të kompjuterëve dhe të mënyrës se si ne bashkëveprojmë me ta, si të ishin njerëz”, thotë zv.presidenti i IBM-ve, Bernie Mayerson. Makinat inteligjente së shpejti do të jenë në gjendje të dëgjojnë tingujt përreth dhe të nxjerrin në dukje ato që na interesojnë më shumë. Një sistem i avancuar do t’ju tregojë prindërve se përse është duke qarë fëmija i tyre i vogël. Në një të ardhme të afërt kompjuterë do të jenë në gjendje të bëjmë më tepër sesa thjesht njohja e imazheve apo të dhënat vizuale. Përparimet në pesë vitet e ardhshme në teknologjinë kompjuterike thotë zoti Maloov, do të bëjnë që gjërat që tani na duken si fantashkencë, të jenë pjesë e jetës sonë të përditshme. (voa)

Comments are closed.