Ribery ndjehet i bekuar te Fiorentina, zgjedh edhe numrin në fanellë

Franck Ribery ka thënë se ndjehet i bekuar dhe i lumtur që ka nënshkruar kontratë me një klub të shkëlqyeshëm të një qyteti të shkëlqyeshëm. Francezi pasi i kaloi 12 vjet në Bayern Munich, ishte lojtar i lirë pasi kontrata e tij skadoi në qershor, duke e zgjedhur pastaj Fiorentinën si destiancionin e ardhshëm. Ai fluturoi në këtë mëngjes dhe nënshkroi kontratën dy-vjeçare me klubin që udhëhiqet nga Rocco Commisso.

Lojtari është parë i lumtur që ka nënshkruar me klubin, ndërsa do ta bartë fanellën me numrin 7 këtë edicion.

“Përshëndetje Fiorentina. Një kapitull i ri për mua dhe familjen time po fillon. I bekuar dhe i lumtur që nënshkruaj një kontratë të re në një klub të shkëlqyeshëm në një qytet të shkëlqyeshëm”.

“Mezi presim të takohetm me shokët e mi të rinj të skuadrës dhe të gjithë tifozët fantastikë këtu”, ka shkruar Ribery në rrjetet sociale.