Organizata e mbrojtjes së të drejtave të të burgosurve në Venezuelë sot kumtoi se rojet e burgut, gjatë rebelimit në një burg në shtetin federal Portugesa, janë vrarë 23 të burgosur.
Umberto Prado nga Observatori për të burgosurit e Venezuelës tha se në këtë rebelim janë lënduar edhe 18 roje.
Ai burg është 350 kilometra nga kryeqyteti Karakas.
Autoritetet e Venezuelës deri më tani nuk e komentuan këtë incident.
Vitin e kaluar, 68 të burgosur janë vrarë në rebelimin në burgun në Valensia, nga të cilët shumica u dogjën të gjallë.
Kritikët thonë se 30 burgje në Venezuelë janë të mbingarkuara dhe me ta menaxhojnë banda, të cilët merren me trafikimin e drogës dhe armëve.
Përndryshe, Venezuela gjendet në krizë të madhe, e cila karakterizohet me mungesë ushqimi dhe ilaçesh, për çka miliona qytetarë janë larguar na vendi.
Në të njëjtën kohë, ekziston konflikt i ashpër politik midis presidentit Nikollas Maduro dhe udhëheqësit të opozitës Huan Guaido, i cili u shpall për president të përkohshëm dhe është mbështetur nga rreth pesëdhjetë vende, duke e përfshirë edhe SHBA-në. (koha.mk)