Real Madridi nuk po kalon një formë të mirë dhe rezultatet e fundit konfirmojnë krizën që po kalojnë. Tetë pikë larg Barcelonës që është në krye të renditjes, janë shumë. Perez po mendon që tani të përforcojë skuadrën, duke sjellë “gjak” të ri që do t’i jepte shpirt skuadrës.
Sipas mediave spanjolle, presidenti Florentino Perez ka përpiluar një listë, me katër emra për përforcime të menjëhershme në janar. I pari në listë është mesfushori i Valencias, Goncalo Guedes. Ai është i huazuar nga PSZH dhe mbretërit duhet të merren vesh me parisienët. Tre të tjerë që janë në listë vijnë nga rivali lokal Atletiko Madrid. Dy mbrojtësit Jose Gimenez dhe Lukas Hernandez, janë në orbitën e mbretërve. Synimi më i madh mbetet francezi magjik, Antoine Griezmann.