Real Madridi ka marrëveshje me Chelsean për Kanten

Real Madridi ka marrëveshje me Chelsean për transferimin e mesfushorit N’Golo Kante, sipas DefensaCentral. Gjiganti spanjoll ka kohë që është në kërkim të një mesfushori të klasit botëror dhe duket se në të e ka gjetur yllin francez Kante, transmeton Gazeta Express, përcjellë gazeta Koha.

Trajneri i ta bardhëve Zinedine Zidane është duke e vëzhguar Kanten që një kohë, por Chelsea nuk ka treguar vullnet për ta shitur deri tani. Edhe pse kjo marrëveshje nuk nënkupton se të kaltrit do ta shesin patjetër Kanten në Madrid, skuadra e Zidane do ta ketë mundësinë e parë për ta blerë atë nëse francezi vihet në treg. /Gazeta Express/