Reagon Thaçi: Qeverisë së re i ofroj bashkëpunim të plotë

24

Presidenti i Kosovës, Hashim Thaçi ka reaguar pas formimit të Qeverisë së re në krye me Avdullah Hotin, së cilës i ka ofruar bashkëpunim të plotë.

Përmes një shkrimi në rrjetin social Facebook, Thaçi ka thë përgëzuar deputetët për votimin e Qeverisë së re.

“Me bashkëpunim dhe koordinim ndërinstitucional mund ta rimëkëmbim ekonominë tonë dhe të lëvizim me hapa më të shpejtë drejt integrimit euroatlantik, duke e fuqizuar partneritetin me SHBA-në dhe me të gjitha shtetet mike.”, ka shkruar tutje ai.
Shkrimi i plotë:

I përgëzoj deputetët e Kuvendit të Republikës së Kosovës për votimin e Qeverisë së re. Kjo është një ditë e rëndësishme për demokracinë tonë dhe për qytetarët e vendit. Qeverisë së re i uroj sukses në përmbushjen e programit qeverisës dhe i ofroj bashkëpunim të plotë në jetësimin e agjendës kombëtare dhe ndërkombëtare.

Me bashkëpunim dhe koordinim ndërinstitucional mund ta rimëkëmbim ekonominë tonë dhe të lëvizim me hapa më të shpejtë drejt integrimit euroatlantik, duke e fuqizuar partneritetin me SHBA-në dhe me të gjitha shtetet mike.

Comments are closed.