PTHP: Publikimi i dokumenteve nga hetimi për “Zhvatjen” është vepër penale, por edhe motiv rasti të merr epilog

Shkup, 24 gusht – Publikimi i dokumenteve jolegale nga hetimet për lëndën “Zhvatja”, ku përveç si sensacion momental, nuk kontribuon në realizimin e çfarëdo qëllimi tjetër, bënë të ditur sot nga Prokuroria Themelore Publike për ndjekje të krimit të organizuar dhe korrupsionit, duke dënuar ashpër këtë ngjarje.

“Prokuroria nuk do t’i komentojë informacionet e liferuar në publik, por do të theksojë se zbulimi i informacioneve të besueshme nga ana e individëve paraqet rrezik dhe dëmton sistemin e përgjithshëm shoqëror dhe është vepër penale. Me daljen e këtij lloji të dokumentit, shkelet prezumimi i pafajësisë, rrezikohen jetë të personave të involvuar dhe vështirësohet vijimi i procedurës”, kanë thënë në PTHP.

Nga Prokuroria thonë se do të ndërmarrin aktivitete për vërtetimin e fakteve se si këto dokumente kanë dalë në opinion dhe do të kërkojë përgjegjësi nga kryerësit.

Mëngjesin e sotëm në internet janë paraqitur dokumente me dëshminë e biznesmenit Jordan Kamçev që e ka dhënë në prokurori se si është shantazhuar nga Bojan Jovanovski në shtator të vitit 2018 deri në prill 2019. (koha.mk)