Pse nuk po jetojmë gjatë?

Për pjesën më të mirë të dy shekujve, jetëgjatësia e njerëzve është përmirësuar me një ritëm mjaft të shpejtë dhe të qëndrueshëm. Në vitet 1840, njerëzit nuk jetonin më shumë se 40 vjeç. Por më pas përmirësimet në ushqim, higjienë e strehim sollën ndryshime. Përparimet më të dukshme vihen re në shekulllin e XX, ku me përjashtim të viteve të luftës u vu re një rritje e numrit të popullsisë.

Pika e kthesës është pikërisht viti 2011, ku ka filluar të vihet re edhe një rënie më e dukshme. Eksperti i plakjes, Edward Morgan, u shpreh se ka një gamë komplekse faktorësh që qëndrojnë mbrapa këtij trendi. Në raportin e tij të paraqitur, ai rendit një numër faktorësh. Sëmundjet shtohen me kalimin e kohës dhe ndërsa njerëzit vdesin nga një sëmundje, një tjetër zë vendin e saj.

Pavarësisht se është rritur numri i personave që i mbijetojnë sulmeve në zemër dhe prekjes nga kanceri, shkalla e vdekjeve nga problemet me stresin është rritur. Një tjetër faktor është edhe kequshqyerja. Kjo lidhet jo me mungesën e ushqimit por me përzgjedhjen jo të duhur ushqimore.