Prezantohet Luka Jovic, “Bernabeu” shpërthen nga madrilenët (VIDEO)

Luka Jovic po prezantohet si futbollisti më i ri i Real Madridit. Talenti serb ka kaluar vizitat mjekësore sot me klubin madrilen dhe ka dalë në konferencë për shtyp krah presidentit Florentino Perez.

Për të ndjekur hapat e parë të sulmuesit serb në “Santiago Bernabeu” janë grumbulluar mijëra tifozë të Realit, që kanë krijuar radhë të gjata para hyrjes në stadium, a thua se është një ndeshje zyrtare e skuadrës së zemrës së tyre.

Etja për lojtarë të rinj duket tek tifozët madrilenë, por ç’do ndodhë kur të prezantohet Eden Hazard? Me siguri “Bernabeu” do të jetë i tejmbushur!