Pret veshët dhe hundën për t’u dukur si kafkë. E quan veten artist (FOTO)

Një djalë nga Kolumbia ka prerë hundën dhe veshët, si dhe ka bërë tatuazh të zi rreth syve që fytyra e tij të duket si kafkë. Kalaca Skull, emri i vërtetë i të cilit është Eric Yeiner Hincapie Ramirez, është një artist tatuazhesh që ka bërë procedura kirurgjikale ekstreme në dy vitet e fundit, thjesht për faktin se i kishte shumë qejf kafkat kur ishte i vogël. 22-vjeçari nisi të bënte modfikime vetëm pas vdekjes së nënës, e cila nuk e lejonte kurrsesi që ai të “mbulonte me art” fytyrën. “Për mua, kafka është si motër, pjesë e familjes. Ndihem shumë i lidhur me kafkat, prandaj vendosa që të bëja këto modifikime”, thotë Kalaca Skull.