Kompania e fluturimeve në Arabinë Saudite ka hapur polemika pasi publikoi kodin e saj të veshjes që u kërkon femrave që të mos ekspozojnë krahët dhe këmbët. Veshjet që nuk lejohen në “Arabian Airlines” janë ato që “mund të shkaktojnë parehati te pasagjerët e tjerë”, ku përfshihen veshjet e ngushta. Përsa i përket meshkujve, nuk pranohen pantallonat e shkurtra në avion. Kjo kompani fluturimi ndalon gjithashtu edhe transportimin dhe konsumimin e alkoolit, si dhe zbret nga avioni ata pasagjerë që mbajnë erë të keqe, që nuk vjen si pasojë e ndonjë sëmundjeje apo handikapi.