Plagosje me armë zjarri në Shkodër në orët e vona të mbrëmjes së sotme.

Mësohet se është plagosur në këmbë shtetasi me iniciale E. L.

Ngjarja ka ndodhur në periferi të qytetit në lagjen “Mark Lula”.

“Më datë 11.01.2021, rreth orës 22:20, në Spitalin Rajonal Shkodër ka shkuar i dëmtuar në këmbë, dyshohet me armë zjarri shtetasi E. L. 24 vjeç, banues në Shkodër, i cili ndodhet jashtë rrezikut për jetën. Nga verifikimet paraprake ka rezultuar se ngjarja ka ndodhur në lagjen “Tre Heronjt”, Shkodër, dyshohet si pasojë e një konflikti të çastit.” – njofton policia.

Policia ka mbërritur në vendngjarje dhe ka identifikuar autorët.

Palët janë konfliktuar në një lokal në orën 20:00 të kësaj mbrëmjeje ndërsa më pas ka përfunduar me plagosje.