Plaçkitet një kazino dhe një bastore në Shkup

Shkup, 24 tetor – Persona të panjohur dje në dy raste kanë kryer plaçkitje në një kazino në rrugën “Gjorgji Popo Hristov” në Shkup dhe në një bastore afër tregut të gjelbër në Shkup. Ministria e Punëve të Brendshme informon se mbrëmë në orën 21:37 është denoncuar se në një bastore afër tregut të gjelbër në Shkup dy persona të panjohur kanë kryer plaçkitje ndaj të punësuarve. Autorët me kërcënim me armë e kanë marrë fitimin ditor dhe kanë ikur në drejtim të panjohur. Plaçkitja e dytë është denoncuar mbrëmë në orën 24:26. Autorët, dy persona të panjohur, me kërcënim me armë automatike kanë marrë para nga fitimi ditor dhe kanë ikur në drejtim të panjohur. Ndërmerren masa për zbulimin e autorëve dhe për zbardhje të tërësishme të rastit.