Pikturat e Hitlerit nuk i blen asnjë!

Polemika për pesë piktura që i atribuohen Adolf Hitlerit, në një ankand në Nuremberg. Çmimet e relikeve naziste varionin nga 19 mijë deri në 45 mijë euro. Asnjë blerës nuk është gjetur deri më tani, por shtëpia e ankandit “Weidler” nuk ka komentuar për arsyen e dështimit dhe ka njoftuar se pikturat do të ripropozohen në një datë të mëvonshme. Kryebashkiaku i Nurembergut, Ulrich Maly, kishte dënuar më parë shitjen, duke e quajtur atë “një shije të keqe”. Shfaqjet publike të simboleve naziste janë të ndaluara me ligj në Gjermani, përveç disa rasteve, si ato arsimore apo historike.