Përmbytjet në Majorka, Nadal përvesh mangët

Gjashtë njerëz kanë humbur jetën, dëmet që janë të pallogaritshme dhe shumë njerëz që kanë mbetur pa shtëpi. Rreshjet tropikale në Majorka, që kanë goditur ishullin në orët e fundit, kanë shkaktuar përmbytje dhe pasojat janë mjaft të rënda.

Sipas gazetës “El Pais” disa persona rezultojnë të zhdukur. Kryebashkiaku i Sant Lorenc, komuna më e goditur nga fatkeqësia natyrore, e cila ndodhet 60 kilometër larg Palmës, konfirmoi se dy prej viktimave janë turistë britanikë.

Tragjedia i preku të gjithë. Madje edhe personalitetin më të famshëm të Majorkës, kampionin e tenisit Rafael Nadal, i cili ka lindur dhe vazhdon të jetojë në Manakor. Pas tragjedisë, numri një në botë, nisi menjëherë nga puna, për të dhënë edhe ai ndihmën në mënyrën e tij.

Nëpërmjet një postimi në “Twitter”, Nadal i ofroi një vend për të qëndruar të gjithë njerëzve që kanë mbetur të pastrehë, duke vendosur në dispozicion Akademinë e tij të tenisit. “Është një ditë e trishtë për Majorkën. Ngushëllimet për familjet e viktimave. Duke vlerësuar situatën, vendosëm të hapnim dyert e ‘Rafa Nadal Academy’ për të gjithë personat që kanë mbetur të pastrehë, apo kanë nevojë për një vend ku të qëndrojnë”.

WP Facebook Auto Publish Powered By : XYZScripts.com