Penalltia e Ronaldos shton polemikat

5

Java e 11-të e Serie A do të mbahet mend si nga javët më me shumë polemika për vendimet e arbitrave dhe përdorimin e VAR. Polemikat në Napoli-Atalanta u pasuan nga ato në Juventus-Genoa, për kartonin e kuq që gjyqtari i ri Giua i dha Cassatas i cili ishte shumë i ekzagjeruar, por edhe për kartonin e kuq të mohuar ndaj Bentancur në minutat e fundit dhe pse jo ndaj Ruganit që në pjesën e parë.

https://twitter.com/i/status/1189668023528906752

Megjithatë Giua i vuri kapak gjithçkaje me penalltinë që akordoi në favor të Ronaldos në minutat, 11-metërsh që u kthye në gol nga portugezi dhe që i dha fitoren bardhezinjëve me shifrat 2-1. Kontakti me Sanabrian ishte por Ronaldo e kërkoi atë dhe hedhja ishte shumë e shëmtuar pavarsisht prekjes së lehtë që pati nga sulmuesi i Genoas. Një penallti e ngjashme iu dha Imobbiles në Lazio-Atalanta pak ditë më parë, por jo çdo prekje e tillë është penallti edhe pse në këtë rast Giua u konsultua edhe me VAR-in. Penalltia e akorduar në favor të Ronaldos ka ngjallur irritimin e vëllait të lojtarit të Napolit Lorenzo Insigne, Marcos i cili ka bërë një postim në Instagram teksa komenton: “VAR-i ku është? Jeni shkatërruesit e futbollit italian”. Fjalë këto në drejtim të arbitrave që vinë menjëherë pas atyre të presidentit të Napolit De Laurentiis. Në foton e publikuar nga Marco Insigne ka komentuar edhe kapiteni i Genoas Domenico Criscito i cili nuk luajti në këtë sfidë për shkaqe dëmtimi me këtë të fundit që shkruan “sa e shpifur”, por më pas Criscito e ka fshirë komentin.

Comments are closed.