Ajaxi ka dështuar ta shfrytëzojë një paraqitje brilante dhe ka barazuar 1:1 me Juventusit në ndeshjen e parë çerekfinale të Ligës së Kampionëve. David Neres me një veprim fantastik individual i siguroi një barazim 1:1 Ajaxit kundër Juventusit në ndeshjen e parë çerekfinale mes tyre në Ligën e Kampionëve, të martën në Amsterdam, raporton Gazeta Express, transmeton gazeta Koha.
Goli i Cristiano Ronaldos i shënuar si mysafir i jep një përparësi të konsiderueshme skuadrës së Massimiliano Allegrit, në ndeshjen e kthimit në Torino pas një jave. Përkundër të dominimit dhe rasteve më të shumta në pjesën e parë nga Ajaxit, vizitorët nga Italia kaluan në epërsi falë Cristiano Ronaldos, i cili shënoi një gol të bukur me kokë.
Juve kaloi në epërsi me goditjen e vetme në kornizën e portës në 45 minutat e parë. Megjithatë, vendasit patën një fillim vetëtimë në pjesën e dytë, kur Neres shënoi një super gol individual, duke e barazuar rezultatin në 1:1. Ajaxi ishte edhe më dominues në pjesën e dytë, por nuk i shfrytëzoi rastet, ndërkohë që Juventusi nuk e pati asnjë goditje në kornizën e portës në këtë pjesë lojë.
https://www.youtube.com/watch?v=ZcBrcdNdog4
Ndeshja e kthimit luhet pas një jave në ”Allianz Stadium”.