Papa Françesku lau dhe puthi këmbët e 12 të burgosurve të enjten, në një shërbim tradicional, duke u thënë atyre të shmangin çdo strukturë hierarkie ose ligjin e më të fortit në burg, dhe të ndihmojnë njëri-tjetrin.
Paraardhësit e Françeskut mbanin ritin tradicional të së enjtes së Shenjtë në një nga bazilikat e mëdha të Romës, duke larë këmbët e 12 priftërinjve. Por, për të theksuar simbolizmin e shërbimit, Papa aktual e transferoi atë në vendet e e vuajtjes së dënimit, si burgjet, qendrat e emigrantëve apo azilët e pleqve.
Papa Françesku u tha të burgosurve se në kohën e Jezusit, larja e këmbëve të vizitorëve ishte punë e skllevërve dhe e shërbëtorëve. “Ky është rregulli i Jezusit dhe sundimi i ungjillit. Rregulli i shërbimit, jo domosdoshmëri apo poshtërim i të tjerëve “, tha ai./topchannel