Pandemia rriti në nivele rekorde numrin e rinoqerontëve

41

Numri i rinoqerontëve me brirë në Nepal ka arritur nivelin më të lartë prej më shumë se 20 vjetësh, pjesërisht për shkak të një pauze në turizëm për shkak të pandemisë Covid-19 që lejoi habitatet e kafshëve të rigjenerohen, thanë autoritetet. Acharya tha se rritja e popullsisë vjen gjithashtu si rezultat i një numri ndryshimesh, duke përfshirë investimet në menaxhimin e habitateve dhe kontrollimin e gjuetisë pa leje.

Konkretisht, popullsia e rinoqerontëve nëpër katër parqe kombëtare në Nepal u rrit në 752 në numërimin e fundit, ndërsa asnjë studim i mëparshëm i popullatave të rinoqerontëve, që nga viti 2000, nuk kishte gjetur më shumë se 650 kafshë të tilla. Rinoqeronti me brirë është renditur si një specie në rrezik në Listën e Kuqe të Bashkimit Ndërkombëtar për Ruajtjen e Natyrës (IUCN), me më pak se 2200 kafshë që kanë mbetur në Indi. Ai tashmë është zhdukur në Bangladesh dhe Butan.