Padit Chelsea-n për pagën e mbetur?

Antonio Conte ka refuzuar të takohet me Chelsean dhe po këmbëngul t’i padisë për pjesën tjetër të pagës së tij, shkruan Sky Sports News.Italiani, i cili së fundmi e hodhi refuzoi ofertën e Real Madridit, ndjen se duhet paguar atë që është kontraktuar, pas shkarkimit të tij në fillim të këtij viti, transmeton KosovaPress. Avokatët e Conte kanë punuar për dy raste të veçanta për javë të tëra: një për gjykatën për punonjës dhe tjetrën për Gjykatën e Arbitrazhit për Sport (CAS).

Chelsea ka kërkuar bisedime me Conte në kërkim të një zgjidhjeje jashtë gjykatës, por ai ka refuzuar. Raportet e gazetave të mërkurën pohuan se Conte kërkon dëmshpërblime prej  8.7 milionë sterlina në krye të pagës së tij të vitit të mbetur prej 11.3 milionë sterlinash – duke marrë pretendimin e tij në 20 milionë funte. Por është raportuar gjithashtu se Chelsea refuzon të paguajë për shkak të sjelljes së tij në klub, duke përfshirë trajtimin e Diego Costa, dështimin për t’u kthyer në ngjarje sponsorizimi, mbërritjen me vonesë në konferencat për shtyp dhe parkimin në hapësirën e gabuar në qendrën e tyre të stërvitjes – Cobham.