Orët e arta të Rita Orës

20

Rita Ora është imazhi i përzgjedhur për të disatën herë nga gjigandi i stolive Thomas Tabo. Ajo duket rrëzëllitëse në promovimin e koleksionit të ri pranverë/verë 2020. Ky koleksion karakterizohet nga një përzierje ngjyrash pastel dhe ylberi, ku theksohet ari i verdhë dhe tipare të frymëzuara nga natyra.

Aksesorët e ndryshëm me në sfond zërin e Ritës kanë bërë për vete të gjithë të fiksuarit pas bizhuterive. E gjithë atmosfera e krijuar nga ideuesit dhe realizuesit e kësaj videoje përmblidhet me vetëm 2 fjalë: “Kopshti magjik”. “Thomas Sabo X Rita Ora” është në dispozicion nga dita e sotme në të gjitha filialet e markës së famshme.

Marka e njohur ka projektuar dhe shpërndarë orë dore që nga viti 2009 dhe syze dielli që nga viti 2019. E themeluar në vitin 1984 nga Thomas Sabo në Gjermani, kompania ka mbi 3,100 pika shitje në të gjithë botën, përfshirë rreth 260 dyqane dhe plot mundësi blerje online.

Comments are closed.