Organizata Botërore e Shëndetësisë ka njohur zyrtarisht si sëmundje varësinë nga lojërat kompjuterike. Vendimi u miratua nga 194 ekspertë të fushave të ndryshme. Vendimi do të hyjë në fuqi në 1 janar 2022.
Me rastin e edicionit të 72 të Asamblesë së Shëndetit Botëror, organizata Botërore e shëndetësisë katalogoi zyrtarisht, varësinë ndaj lojërave kompjuterike si një sëmundje, duke renditur dhe karakteristikat e saj.
Vendimi u mor pas një votimi prej 194 ekspertësh, secili i specializuar në një fushë të ndryshme, të cilët vlerësuan rastin pas rishikimit të shumë provave që mbështesnin këtë tezë. Sipas Organizatës Botërore të Shëndetësisë, varësia nga lojërat kompjuterike mund të shfaqet gjatë eksperiencave on line, por dhe në lojërat e veçuara.