O’Braen: NATO-s nuk i duhet konflikt me Rusinë për shkak Ukrainës

6

Halifaks, 24 nëntor – NATO-ja tani për tani nuk është e interesuar për pranimin e Ukrainës në radhët e saj, sepse nuk dëshiron të hyjë në përleshje të drejtpërdrejtë me Rusinë, deklaroi këshilltari i presidentit amerikan për siguri nacionale Robert O’Braen.

Në forumin e sigurisë në qytetin kanadez Halifaks O’Braen u pyet vallë NATO duhet më aktivisht “ta mbajë Ukrainën më larg agresionit rus”.

“Sa i përket NATO-s dhe Ukrainës nuk mendoj se kjo tani për tani është në rend dite. Rusia faktikisht është në konflikt me Ukrainën. Nuk mendoj se për NATO-n do të jetë tërheqëse ta pranojë Ukrainën në radhët e saj dhe të hyj në konflikt të drejtpërdrejtë me Rusinë”, tha këshilltari për siguri nacionale i presidentit amerikan.

Ai vlerëson se Perëndimi nuk dëshiron përleshje me Rusinë dhe se NATO është krijuar të mos lejojë përleshje të këtilla, transmetuan mediat ruse.

O’Braen njëkohësisht konfirmoi se SHBA-ja edhe tutje do ta mbështesë Ukrainën në kundërshtimin e saj ndaj Rusisë.

Comments are closed.