Nuredini takon drejtorin e Bankës Gjermane, Rene Esheman

Shkup, 13 gusht – Ministri i Mjedisit Jetësor dhe Planifikimit Hapësinor Z. Naser Nuredini, sot realizoi një takim me drejtorin e Bankës Gjermane KfW, Z. Rene Echeman.

Në takim u diskutua për mbështetjen dhe bashkëpunimin e tanishëm nga Qeveria e Gjermanisë, si dhe për implementimin e projekteve të vazhdueshme ku KfW Banka merr pjesë si partner.

Në përpjekjet për një zhvillim të mëtejshëm të bashkëpunimit, ministri Nuredini i prezantoi sfidat që janë përpara nesh, veçanërisht në fushën e menaxhimit të mbeturinave (riciklimin), stacionet për trajtimin e ujërave të zeza dhe mbrojtjen e natyrës në rajonin e Ohrit-Prespës.

Drejtori Esheman e konfirmoi gatishmërinë e tij për të mbështetur zbatimin e veprimtarive të Republikës së Maqedonisë së Veriut në përmbushjen e kërkesave për anëtarësim në BE për Kapitullin 27, përmes disponueshmërisë së fondeve në dispozicion nga KfW Banka.” – shprehen nga kabineti i Ministrit Nuredini.