Nuhiu: Krenar me ekipin tim

39

Shkup, 25 shtator – Skuadra e trajnerit shkupjan, Ardian Nuhiu, Drita nga Gjilani i ka dhënë fund aventurës evropiane, pasi është eliminuar në rrethin e tretë të Ligës së Evropës. Kampioni në fuqi i Kosovës pësoi disfatë nga klubi polak Legia e Varshavës me rezultat 2-0. Përkundër eliminimit, Drita luajti mirë, por që u vërejt përvoja në anën e polakëve.

Megjithatë trajneri i Dritës, Ardian Nuhiu ka thënë se është krenar me futbollistët e tij. “Jam krenar me ekipin tim. Ne kemi arritur deri në raundin e tretë kualifikues të Ligës së Evropës. Është suksesi më i madh për futbollin kosovar. Jemi takuar me një ekip të fortë si Legia. Ne kemi humbur, por unë jam i lumtur me qasjen e lojtarëve të mi”, ka thënë trajneri i Dritës, Ardian Nuhiu. Arritja e Dritës në raundin e tretë është historike, pasi asnjë skuadër kosovare nuk kishte arritur deri në këtë rang garash në Evropë.

Comments are closed.