Të paktën nëntë persona janë lënduar, nga të cilët dy më rëndë, në përleshjet midis ithtarëve dhe kundërshtarëve të presidentit turk Rexhap Taip Erdogan para Ambasadës turke në Uashington. Dy persona janë arrestuar, nga të cilët njëri akuzohet për sulm ndaj policit.
Përleshjet kanë ndodhur mbrëmë vetëm disa orë pas takimit të Erdoganit me presidentin amerikan Donald Tramp. Tani për tani nuk bëhet e ditur se cili grup e ka filluar përleshjen. Pas incidentit ka reaguar policia, e cila e ka mbyllur komunikacion dhe pastaj kanë arritur edhe zjarrfikësit dhe automjetet e ambulancave.