Nëna me tru të vdekur sjell në jetë foshnjën e saj

Po mbahet funerali i një nëne 26-vjeçare e cila solli në jetë djalin të enjten pavarësisht se i kishte vdekur truri qysh në muajin dhjetor.

Sportistes Catarina Sequeira nuk i funksiononte truri pas një sulm të astmës akute në shtëpinë e saj. Foshnja, me emrin Salvador, ka ardhur në jetë kur ishte pothuajse 32 javë dhe tani është nën kujdesin e mjekëve, raporton BBC. Ky është rasti i dytë në Portugali që lind një nënë me tru të vdekur.

Sportistja e njohur që e kishte përfaqësuar vendin në garat e kanosë, vuante prej astmës prej moshës së fëmijërisë. Ajo kishte pësuar sulm astme kur ishte në javën e nëntëmbëdhjetë të shtatzënisë dhe ishte në komë.