Në Shkup sanksionohen 325 shoferë, më së shumti për vozitje të shpejtë

16

Shkup, 23 shtator – Në territorin e qytetit të Shkupit gjatë ditës së djeshme policia  zbatoi kontrolle të përforcuara në komunikacion me ç’rast  janë shqiptuar  gjithsej 325 sanksione, prej të cilave më së shumti – 128 për vozitje të shpejtë.

“Në territorin e qytetit të Shkupit gjatë ditës së djeshme janë shqiptuar  325 sanksione,  midis të cilëve  vozitje pa patentë shoferë 18 persona,  tejkalim të shpejtësisë  së lejuar  për qarkullim 128 shkelje,  parregullsi teknike dhe automjete të paregjistruara  11, gjithsej  9 motoçiklistë të sanksionuar, 78 masa për  parkim të padrejtë të automjeteve dhe 74 automjete  të larguar me karrotrec (gjithsej 152), ndërsa janë shqiptuar edhe 36 sanksione për mosmbajtje të maskës mbrojtëse”, informojnë nga MPB.

Kontrollet e përforcuara  të komunikacionit vazhdojnë edhe në ditët në vijim.

Nga MPB  apelojnë deri te qytetarët t’i respektojnë rregullat e komunikacionit dhe dispozitat  për ta rritur sigurinë në komunikacion.