Në Prishtinë po mbahet “Parada e Krenarisë”, organizim ky i komunitetit LGBTI.
Në këtë organizim që po mbahet me moton “Në emër të lirisë”, po merr pjesë edhe shefja e zyrës së BE-së, Nataliya Apostolova, ambasadorët e shteteve të huaja që gjenden në Kosovë, ministrja e Integrimeve, Dhurata Hoxha, kryetari i komunës së Prishtinës, Shpend Ahmeti, etj.
Ministrja Hoxha tha se është këtu që të përçojë mesazh se në Kosovë ka tolerancë dhe secili mund të jetë i lirë që të shpreh dashuri, raporton Ksp.
Hoxha tha se synojnë që secili qytetar dhe komunitet të ndihet i sigurt për të jetuar në Kosovë.