Ndihmuan xhihadistin për sulmin terrorist në Vjenë, dy persona dënohen me burgim të përjetshëm
Një gjykatë në Vjenë dënoi katër persona që ndihmuan personin e armatosur të kryente sulmin e parë vdekjeprurës xhihadist në Austri. Dy prej tyre u dënuan me burgim të përjetshëm, ndërsa dy të tjerë me 19 dhe 20 vjet burg.
Simpatizanti i grupit “Shteti Islamik”, i cili kishte shtetësi austriake dhe maqedonase, Kujtim Fejzulai, vrau 4 persona dhe plagosi 23 të tjerë në një sulm terrorist më 2 nëntor 2020 në qendër të Vjenës, përpara se policia ta qëllonte për vdekje.
Dy vjet më vonë, gjashtë të pandehur, katër austriakë, një çeçen dhe një kosovar, u gjykuan për ndihmën e Fejzulait që të përgatitej për të shtënat, edhe pse ata nuk ishin të përfshirë drejtpërdrejt në sulmin vdekjeprurës.
Pasi juria diskutoi për rreth dhjetë orë, vendimet u shpallën rreth mesnatës nga kryetari i trupit gjykues.(A2CNN)
