Ndërroi jetë nënkryetari i Bundestagut gjerman

41

Berlin, 26 tetor – Nënkryetari i Bundestagut gjerman, Tomas Operman ndërroi jetë papritur, pasi që mbrëmë iu përkeqësua gjendja gjatë një xhirimi për televizionin ZDF.

Politikanit 66-vjeçar nga radhët e Partisë socialdemokrate të Gjermanisë (SPD) iu përkeqësua gjendja dhe humbi vetëdijen gjatë xhirimit për televizionin ZDF, dhe urgjentisht u dërgua në spital.

Ministri gjerman i Punës, Hubert Hajl përmes Tuiterit shprehi ngushëllime për vdekjen e bashkëpartiakut të tij.

Përndryshe, Operman në fund të gushtit kumtoi se nuk do të marrë pjesë në zgjedhjet e ardhshme parlamentare.

“Pas tre dekadave si deputet në kuvendin krahinor të Saksonisë së Ulët dhe në Bundestag, tani është koha më e mirë të merrem me diçka tjetër dhe t’u kthehem projekteve të reja”, deklaroi politikani me atë rast.