Ndalimi i Trump për myslimanët, regjisori i famshëm pengohet në Oscars

34

Vendimi i fundit i Donald Trump që t’u ndalohet njerëzve nga gjashtë shtete myslimane të futen në Shtetet e Bashkuara të Amerikës, i ka pamundësuar regjisorit me famë botërore, Asghar Farhadi, të marrë pjesë në ceremoninë e ndarjes së çmimeve Oscars. Filmbërësi iranian, Asghar Farhadi, që është i nominuar për Oscar në një nga kategoritë, do ta ketë të pamundur të përkrahë nga afër filmin e tij. Farhadi është një emër i njohur në kinematografinë botërore. Ai në ë kaluarën ka fituar edhe Oscar për filmin më të mirë të huaj me “A Separation” dhe po ashtu edhe një çmim Golden Globe. Në vitin 2012, Farhadi ishte emëruar nga revista Time si një ndër 100 personalitetet me më ndikim në botë. Vendimi i Trump iu ndalon sirianëve udhëtimin për në SHBA për një afat të pacaktuar, kurse për 90 ditë të ndaluar të futen në SHBA do ta kenë edhe shtetasit e Iranit, Irakut, Libisë, Somalisë, Sudanit dhe Jemenit.

Comments are closed.