Ministria serbe e Drejtësisë nuk ka informata për arrestimin e Palevskit

Beograd, 13 shtator Ministria serbe e Drejtësisë nuk ka informata për arrestimin e biznesmenit Lupço Palevski – Palço për të cilin mediat e Maqedonisë publikuan se dje është arrestuar nga policia  në Beograd në momentin kur ka dashur të ngjitet  në aeroplan për në Moskë.

“Ministria e Drejtësisë e Republikës së Serbisë nuk ka njohuri për arrestimin e një personi të tillë”, citohet në kumtesën e shkurtër.

Mediat publikuan se Palevski është arrestuar nga policia serbe  pas urdhër-arrestit të shpallur nga Republika e Kroacisë dhe se për momentin  është në paraburgim  ekstradues.

Avokati i tij Vasko Stojkov për emisionin “360 shkallë” ka deklaruar se në momentin e arrestimit, Palevski është përgatitur  për të udhëtuar në Moskë, ku sipas tij,  është dashur të lidh marrëveshje biznesi. Palevski ka jetuar dhe punuar në Kroaci dhe se autoritetet kroate e kërkojnë  për borxh  të firmës së tij prej 2,5 mijë euro. Sipas avokatit, Palevski asnjëherë nuk ka marrë ftesë në adresën e Maqedonisë për t’u paraqitur para  organeve gjyqësore kroate.