Ministri Xhemaili priti në takimi përfaqësues nga Forumit Kinez i Munihut dhe NINGBO CEEC

Shkup, 19 shtator – Në hapësirat e Qeverisë së Republikës së Maqedonisë së Veriut, ministri për Rregullativë dhe Përmirësimin  e  Klimës Investuese për Ndërmarrjet Vendase, z. Hisen Xhemaili i priti në takimi përfaqësuesit e Forumit Kinez të Munihut dhe përfaqësuesit e NINGBO CEEC nga Republika Popullore e Kinës.

Gjatë këtij takimi palët diskutuan dhe ndanë mendimet rreth vendosjes së urave të bashkëpunimit në mes kompanive në Republikën e Maqedonisë së Veriut dhe kompanive nga qyteti i Ningbos.

Ministri, Xhemaili i njoftoi përfaqësuesit e Forumit Kinez të Munihut dhe përfaqësuesit e Ningbo Ceec nga Republika Popullore e Kinës për përfitimet që Republika e Maqedonisë së Veriut i ofron për investitorët e jashtëm të cilët janë të interesuar që të investojnë te zonat e lira ekonomike.