METI BËRBATOVCI: Një këngë për nënën (FOTO)

32

Merret me muzikë që në moshë të re dhe vazhdon të bëj këngë për qejfin e tij. Një të fundit ai e ka realizuar për t’ia kushtuar nënës të cilën nuk e ka më pranë, e Meti vjen në një bisedë për InfraRed të gazetës KOHA ku i tregon të gjitha

Bisedoi: Blerand REXHEPI

KOHA: Ç’vend zë muzika në jetën tënde?

Muzika ka një vend të quajtur relax në jetën time, asgjë më shumë.

KOHA: Zgjohesh me këngë në mëngjes?

Po, në mëngjes dëgjoj muzikë për një relaksim ditës.

KOHA: Hiti yt i preferuar?

Kënga ime e preferuar nga Aya ‘Djadja’. Të them të drejtën muzika është shkatërruar nuk ka muzikë më po film, nuk dëgjohet po shikohet sot muzika.

KOHA: Pasi i vendosni kyçin derën, lini jashtë saj edhe çështjet e problematikave në punë apo i merrni me vete? Kuzhina është një pasion tjetër i yti, të cilin jo të gjithë e njohin. Çfarë të tërheq më shumë në këndin e gatimit?

Kuzhinë gjithnjë kam qenë i mirë dhe do jem duke falënderuar të ndjerën nënën time, e cila më ka mësuar të gjitha.

KOHA: Cili është vendi më i bukur në botë për ty?

Capri.

KOHA: Gjëja që doni më shumë në punën tuaj?

Gjëja më shumë që më pëlqen në punë, kontakti me të tjerët.

KOHA: Çfarë është lumturia absolute për ju?

Lumturia absolute për mua është shëndeti.

KOHA: Hera e fundit që keni qeshur me shpirt?

Ka kohë që nuk kam qeshur me shpirt.

KOHA: Defekti juaj kryesor?

Defekti im është se nuk mundem të fal.

KOHA: Ndaj cilave gabime jeni më tolerante?

Nuk fali gabime, sepse përndryshe përsëriten (qesh).

KOHA: Hera e fundit që u përlotët?

Ka kohë që jam me lot që nga vdekja e nënës time, e kam vështirë.

KOHA: Udhëtimi juaj i preferuar?

Ibiza.

KOHA: Shkrimtarët tuaj më të dashur?

Petro Marko, Kasim Trebeshina.

KOHA: Cilin virtyt vlerësoni më shumë te një femër?

Sinqeritetin.

KOHA: Kënga që fërshëlleni kur bëni dush?

Oj lulija jonë me limona.. (qesh).

KOHA: Kë konsideroni si suksesin tuaj më të madh?

Suksesin më të madh në jetë është që kam mund të realizoj një këngë për nënën time.

KOHA: Pija juaj e preferuar?

Uji.

KOHA: Çfarë është ajo për të cilën pendoheni më shumë?

Pendohem shumë, sepse jam shumë i sinqertë, e ajo më ka ndihmuar, sepse njerëzit keqpërdorin sinqeritetin e të tjerëve.

KOHA: Çfarë urreni më shumë në këtë botë?

Urrej se dua gënjeshtrën, tradhtinë, mendjemadhësinë.

KOHA: Frika juaj më e madhe?

Nga lartësia.

KOHA: Në çfarë rastesh zgjidhni të thoni gënjeshtra?

Nuk them gënjeshtra, ja them në sy atë që dua që mendoj, nuk fiton askush me gënjeshtra.

KOHA: Keni dhënë ndonjëherë ryshfet?

Po kam dhënë.

KOHA: Cila është motoja juaj?

Jeto si me qenë dita e fundit, jeta është e mirë, por duhet me ditë me përfitu.

KOHA: Si do të dëshironit të vdisnit?

Vdekjen nuk e kam menduar, por dash Zoti të mos vuaj ndonjëherë nga ndonjë sëmundje.

KOHA: Po të ndodhte të takonit Zotin, çfarë do t’i thoshit?

Nëse kisha pas rast me e pa Zotin i kisha thënë të më takojë edhe njëherë me nënën time sepse më mungon shumë.