Meta: Ballkani i qetë pas anëtarësimit në NATO dhe BE

Presidenti Ilir Meta gjatë vizitës në Qendrën Europiane “Xhorxh Marshall” në Garmish të Gjermanisë, ka folur mbi çështjet e sigurisë dhe integrimin euro-atlantik të Ballkanit.

Në fjalën e tij ai theksoi se zgjerimi i NATO-s dhe kompaktësia e Bashkimit Europian kundrejt rajonit të Ballkanit Perëndimor mbeten kyç për stabilitetin dhe sigurinë e rajonit tonë, raporton TCH, përcjell gazeta KOHA

“Ndërkohë që Ballkani mbetet një punë e papërfunduar, SHBA-të dhe BE-ja duhet të mbyllin me sukses investimin e tyre të përbashkët, më historikun dhe më angazhuesin që nga përfundimi i Luftës së Ftohtë”, deklaroi Meta.