Mendy lirohet nga një akuzë për përdhunim
Benjamin Mendy, futbollisti i Manchester Cityt, i cili është akuzuar për tetë përdhunime, një sulm seksual dhe një tentativë përdhunimi, është liruar nga një nga akuzat për përdhunim për të cilat ishte në gjyq në Gjykatën Chester Crown në Angli.
Gjatë gjyqit, juria shikoi një video seksi në të cilën një nga viktimat e supozuara, e cila pretendoi në deklaratën e saj në polici se ishte përdhunuar, kishte “seks konsensual dhe entuziast” me Louis Saha Matturie, mikun dhe bashkëpunëtorin e dyshuar të Mendy.
Pas shikimit të videos dhe pasi prokuroria nuk ishte në gjendje të paraqiste prova të tjera inkriminuese, Mendy u lirua nga një akuzë për përdhunim dhe Matturie nga dy akuza për përdhunim dhe një akuzë për sulm seksual.
Matturie nuk mund të mos qante kur kryetari i trupit gjykues në Chester Crown Court ktheu vendimin e pafajësisë.
Dënimi me të cilin mund të përballet Mendy mund të variojë nga pesë deri në 20 vjet burg, megjithëse ai mund të përballet me një dënim të përjetshëm. Në maj 2022, Mendy u deklarua i pafajshëm për nëntë akuzat e veprave seksuale kundër tij.
