Mbledhje e përbashkët ndërqeveritare me Republikën e Kosovës në Shkup

Shkup, 11 qershor – Qeveria e Republikës së Maqedonisë së Veriut në seancën e sotme të 139-të të rregullt e aprovoi vendimin për mbajtje të seancës së përbashkët ndërqeveritare me Qeverinë e Republikës së Kosovës.

Seanca do të mbahet në Shkup, ndërsa siç informojnë nga pres-shërbimi qeveritar, datën duhet ta caktojnë kryeministrat e dy vendeve, Zoran Zaev dhe Ramush Haradinaj, në pajtim me axhendat e tyre, pwrcjellw KOHA.

Sipas informacionit që me propozim të Sekretariatit për çështje evropiane, sot e miratoi Qeveria janë bërë përgatitjet e domosdoshme për mbajtje të seancës së përbashkët.

Në kuadër të përgatitjeve për seancë, siç informojnë nga pres-shërbimi qeveritar, zhvillohen bisedime për definimin e bashkëpunimeve mes dy qeverive mes dy vendeve, në disa fusha edhe atë: transport dhe infrastrukturë, tregti dhe zhvillim ekonomik, bashkëpunim me diasporën, punë të brendshme, drejtësi, bujqësi, pylltari dhe ekonomi të ujërave, shëndetësi, kulturë dhe arsim. (koha.mk)