Gostivar, 26 tetor – Mbi një mijë persona me temperaturë të rritur, plogështi dhe shtrëngime barku në katër ditët e fundit kanë kërkuar ndihmë mjekësore në repartin infektiv të Spitalit të Përgjithshëm ” Ferid Murad” në Gostivar. Vëllimi i rritur i punës i ka përmbushur kapacitetet e repartit infektiv, ndërsa udhëheqësia e spitalit ka vendosur t’i shfrytëzojë kapacitet nga repartet e tjera. “Në dy javët e fundit te ne është evident numri i rritur i pacientëve të cilët kanë fotografi të ngjashme klinike dhe simptoma të vjelljes, lodhjes dhe temperaturë të rritur. Në tre ditët e fundit, ndihmë nga reparti jonë kanë kërkuar edhe nga 150 pacientë në ditë. Nga analizat e gjakut fituam rezultatet se bëhet fjalë për infeksion bakterial. Sot situata është më e qetë dhe numri i pacientëve është zvogëluar, por megjithatë kemi vëllim të rritur të punës”, theksoi dr. Ratko Naumovski, infektolog i repartit. Ai konfirmoi se pjesa më e madhe e pacientëve pas terapisë së marrë ndjehen më mirë dhe nuk kthehen në trajtim shtesë. Tani për tani nuk ka pasur pacientë me fotografi më të rëndë klinike. Nga udhëheqësia e spitalit theksojnë se po mobilizohen të tejkalohet situata me mungesën e shtretërve të spitalit në repartin e infektologjisë. Për këtë nevojë, pacientët pranohen në repartin për fëmijë, gjinekologjik dhe intren.