Martohet Missi Albana Mexhuani, një princeshë si në përralla (FOTO)

Nuk është aspak e panjohur për botën shqiptare pasi ajo është një prej femrave më elegante e më bukura shqiptare duke qenë Miss dhe modele para pak kohësh mjaft e njohur por si duket lumturia e saj ka më shumë vlerë se sa fama tashmë që ka në krah princin e saj.

Po flasim për Albana Mexhuani ku pak ditë që tashmë ka kurorëzuar lidhjen e saj me një super dasmë me djaloshin që ia mori zemrën në fillim me shumë bindje duke e quajtur që në takimet e para ” Nusja ime”.Tashmë ajo është mjaft e lumtur me Burimin ndërsa mësojmë se nga një njohje e thjeshtë në rrjetet sociale më 31 Maj të 2018 kaluan në takime madje e bukura Albana në fillim nuk ka qenë e bindur por më pas janë prezantuar në familje e pas 4 takime ata me rregullat e traditën e bukur të shqiptarëve janë fejuar duke ia bërë familjarisht “Përhajër” kësaj lidhje të bukur.

Dasma ka qenë madhështore realizuar me 17 Gusht 2019 në Germov të Vitisë në restorant Dajti 2 ku kanë pasur shumë supriza që nga ambiente me flakë, balerinat, valltarët, pëllumbat që u puthën e vajza e vogël që kërcente me Hower Board, taman një dasmë shqiptare por si të Princeshave dhe Princërve.

E kur jemi te nusja dhe fustani i saj i bukur ka qenë i blerë unik në Gjermani, ndërsa për shkak të kohës veshjet e tjera janë përdorur vetëm për shooting në Ulqinj ku të themi se ka vazhduar aty muaji i mjaltit të çiftit të bukur që jetojnë në Gjermani. Urojmë që të jetojnë të bukur e të lumtur deri në përjetësi.