Kuvendi i Maqedonisë këtë javë do të vendosë për çështje mjaft të rëndësishme, ndërsa fjalim pra deputetëve do të ketë edhe sekretari i përgjithshëm i NATO-s Jens Stoltenberg. Akoma nuk bëhet e ditur nëse deputetët e shumicës parlamentare vetë do të vendosin për shkak të mospjesëmarrjes në punë të deputetëve të opozitës. Pritet gjatë kësaj jave gjithashtu presidenti Gjorge Ivanov të prononcohet nëse do ta nënshkruaj dekretin për Ligjin për përdorimin e gjuhëve dhe nëse nuk e bën një gjë të tillë ta kthejë ligjin në Kuvend.
Marrëveshja për fqinjësi të mirë me Bullgarinë do të sillet dy ditë para takimit (17 janar) të ndërmjetësit në kontestin me emrin Methju Nimic me negociuesit e palës së Maqedonisë dhe të Greqisë, ndërsa Stoltenberg sipas agjendës, në vend do të jetë më 17 janar dhe më 18 janar. Sekretari i përgjithshëm do të mbajë fjalim para deputetëve të enjten në mesditë. Për nesër në Kuvend janë caktuar seanca kuvendore e 30-të, ndërsa seanca do të mbajnë edhe komisionet për çështje evropiane dhe për kulturë si dhe komisioni ligjdhënës-juridik.
Përveç Marrëveshjes me Bullgarinë në këtë seancë në rend dite janë edhe ligjet reformuese për ndjekjen e komunikimeve, në lexim të parë, ndryshimet e ligjeve për administratën, në lexim të dytë, ligji për amnisti dhe ligje të tjera, gjithsej 37 pika në rend dite. Data e sjelljes së Marrëveshjes me Bullgarinë në Parlamentin e Maqedonisë përkon me prezentimin e Programit dhe prioriteteve për punë të Kryesimit bullgar me Këshillin e Bashkimit Evropian për periudhën janar – qershor 2018 nga ambasadori bullgar në Maqedoni, Ivan Velikov Petkov.