Maqedonia me ndotje mbi mesatare, Shqipëria prinë me vdekshmëri

24

Tiranë, 23 maj – Sipas statistikave të reja nga Organizata Botërore e Shëndetësisë, Bosnjë e Hercegovina, Bullgaria, Shqipëria dhe Ukraina kanë normat më të larta të vdekshmërisë evropiane që vijnë nga ndotja në shtëpi dhe ajër. Siç raporton “Monitor”, shumë nga këto vende të njëjta, duke përfshirë Maqedoninë, Poloninë dhe Hungarinë, kanë nivelet më të larta mesatare vjetore të ndotjes së ajrit. Sipas të dhënave, Shqipëria është e treta në Evropë për nga vdekshmëria nga ndotja e ajrit, pas Bosnjës dhe Bullgarisë. Shqipëria regjistroi 166.1 vdekje për 100 mijë banorë. Në të dyja spektret, Bosnjë e Hercegovina është renditur si performuesi më i keq evropian. Në vitin 2014 Bosnja kishte vetëm më shumë se 55 mikrogramë për metër kub të grimcave të ndotësve, më të vogla se gjerësia e një qime njerëzore, të aftë për të hyrë në mushkëri dhe për të shkaktuar probleme shëndetësore. Niveli i lartë i ndotjes së ajrit në Bosnjë nënkuptonte se në vitin 2012 vendi pësoi rreth 231 vdekje për 100,000 njerëz. Ky numër përfaqëson shkallën më të lartë të vdekjeve në botë në mesin e vendeve të listuara në raportin e OBSH-së. Performuesit më të mirë të Evropës për mesataret e ndotjes së ajrit dhe vdekjet që lidhen me ndotjen e ajrit përfshijnë gjithë Skandinavinë, Finlandën, Spanjën, Portugalinë dhe Irlandën. Suedia në vitin 2012 regjistroi më pak se një vdekje për 100,000 banorë për shkak të ndotjes së ajrit dhe kishte mesataren më të ulët të Evropës prej 5,9 mikrogramë ndotës për metër kub. Franca renditet lart në mesin e vendeve evropiane me normën mesatare më të ulët të ndotjes së ajrit, por në rreth 13 mikrogramë ndotës për metër kub, vendi vjen pas Zvicrës dhe Mbretërisë së Bashkuar. Megjithatë, Franca u përfshi në 10 vendet më të mira evropiane me shkallën më të ulët të vdekjeve të lidhura me ndotjen e ajrit. (koha.mk)

Comments are closed.