Maqedonia e Veriut të hënën në agjendën e ministrave të Punëve të Jashtme të BE-së

Bruksel, 15 shkurt – Në orët në vijim pritet të arrijë raportimi formal nga Maqedonia deri te institucionet evropiane për përdorimin e emrit të ri, ministrat e Punëve të Jashtme të hënën do ta vendosin vendin në rend dite, njofton Koha.

Këshilli i Punëve të Jashtme të BE-së të hënën do ta informojë se vendi e ka ndryshuar emrin e tij, që nuk është “as rasti i pari, e as i fundit”, sqaroi diplomati i lartë i BE-së për gazetarët sot në mëngjes. Raportimi formal duhet të arrijë në secilin moment në institucionet evropiane.

Diplomatët në Bruksel thonë se “janë shumë të lumtur” që është zgjidhur ky kontest shumëvjeçar dhe edhe një herë ministrat e BE-së të hënën do ta përshëndesin përzemërsisht Marrëveshjen e Prespës dhe do ta shfaqin mbështetjen e tyre për këtë proces që duhet të sjellë më shumë stabilitet.

Pritet që të hënën ose përfaqësuesja e lartë e BE-së, Federika Mogerini, e cila do të kryesojë me Këshillin e Punëve të Jashtme ose eurokomisari për Zgjerim Johanes Han shkurt t’i informojnë ministrat për hyrjen në fuqi të emrit të ri, për çka u morën vesh të dyja vendet.

Pasi që të arrijë njoftimi nga shteti i Maqedonisë me institucionet evropiane, çështje ditësh është që plotësisht të zbatohet përdorimi i Maqedonisë së Veriut në komunikimin zyrtar të Bashkimit Evropian, thonë burimet diplomatike për MIA-n, transmeton Koha.

Marrëveshja e Prespës dhe zgjidhja e kontestit për emrin sot në mëngjes ishte përmendur edhe nga Majk Pompeo gjatë takimit të tij me Mogerinin. Ty dy kanë shprehur kënaqësi për mbylljen e kontestit prej dy dekadave mes Shkupit dhe Athinës. (koha.mk)