Sulmuesi i Liverpoolit, Sadio Mane ka pranuar se ishte kompliment i mirë kur ylli i Barcelonës, Lionel Messi, e votoi për lojtarin më të mirë. Messi e votoi senegalezin për lojtarin më të mirë, çmim të cilin e fitoi argjentinasi, ndërsa Mane përfundoi në vendin e pestë. Ai tha se ishte kompliment i mirë, pasi tregonte se në cilin nivel kishte arritur, transmeton KosovaPress, përcjellë gazeta Koha.
“Ishte kompliment i mirë kur Messi votoi për mua. Kjo tregon se ku kam arritur. E gjitha që mund t’iu them fëmijëve është të punojnë shumë dhe t’i ndjekin ëndrrat”, deklaroi ai. (koha.mk)