Në 31 gusht në ditën e fundit të merkatos verore, Rijad Mahrez u largua nga grumbullimi i kombëtares algjeriane për të firmosur me klubin e tij të ri, por atëherë dukej gjithçka e mbyllur, Leiçester Siti që zotëron kartonin e lojtarit prishi marrëveshjen dhe ylli afrikan qëndroi të “Dhelprat”. Emri i skuadrës me të cilën do të firmoste Mahrez nuk u bë asnjëherë i ditur edhe pse është e sigurtë që bëhej fjalë për një klub të madh në Premier Ligë. Megjithatë të ardhmes Mahrez me Leiçester Sitin, po i vjen fundi pasi me shumë gjasa 26-vjeçari do të ndryshojë skuadër në merkaton e dimrit. Mahrez i cili është një nga lojtarët kryesorë të Leiçesterit në sezonin 2015-2016 ku “Dhelprat”, bënë historinë duke fituar titullin e parë kampion në Angli, do të transferohet në një skuadër të madhe por në të njëjtën kohë do të qëndrojë në ishull. Arsenal dhe Totenhem janë dy klubet që do të bëjnë çmos në janar për të firmosur me Mahrez.