Lidhjet kulturore me Italinë janë shembull se si duhet të bashkëpunohet

11

Shkup, 17 tetor – Kryetari i Qeverisë së Republikës së Maqedonisë, Zoran Zaev, mbrëmë kishte fjalim në solemnitetin me rastin e hapjes së manifestimit “Java e gjuhës dhe kulturës italiane”, e cila këtë  vit mbahet për të 17-n herë, kumtoi pres-shërbimi qeveritar. Zaev theksoi se “Java e gjuhës dhe kulturës italiane në botë”, është ngjarje, e cila me programin e saj paraqet edhe një urë bashkëpunimi mes dy vendeve kryesisht mike, Republika e Italisë dhe Republika e Maqedonisë. “Italia është një nga shumë vendet në botë, që njerëzimit i kanë dhuruar  artefakte më të rëndësishme kulturore. Përmes historisë civilizimi ynë nuk ka asnjë gjeneratë që nuk është inspiruar nga thesari kulturor i çmueshëm dhe jashtëzakonisht i begatshëm i Italisë”, tha Zaevi. Maqedonia dhe Italia, siç theksoi, rregullisht nënshkruajnë programe për bashkëpunim në fushën e kulturës, arsim dhe shkencë. Bashkëpunimi i vazhdueshëm bilateral, shtoi Zaev është konfirmim se Maqedonia dhe Italia, si mbështetës dhe mik i ynë i madh, kultivojnë raporte të shkëlqyera dhe bashkëpunim të jashtëzakonshëm në fushën e kulturës, shkencës dhe arsimit. Në kontekst të filmit dokumentar “Trieste, Jugosllavia” që u shfaq mbrëmë, e i cili flet për rolin e qytetit të Triestes, respektivisht Italisë, si “portë” drejt Perëndimit për ish RSFJ, Zaev tha se ky qytet italian edhe sot për Maqedoninë dhe për vendet e tjera të rajonit ka rëndësi të veçantë.

Comments are closed.